По неколку дневната забрана, Тwitter ќе биде повторно достапен за турските твитерџии. Мрежата беше блокирана изминатиот петок откако на неа беа објавени контроверзни снимки кои ја откриваат корупцијата на властите, и иако премиерот Рецеп Таип Ердоган порача дека ќе „ја избрише“ друштвената мрежа, сепак судот во Анкара нареди да се тргне забраната. Судот се реши да ја дигне забраната откако доби бројни поплаки од граѓаните и разни адвокатски и граѓански организации, пиува Hurriey Daily News.
Turkey tweets even more after the ban. Take that, Erdogan! #TwitterisblockedinTurkey #DirenGezi #OccupyGezi #Twitter http://t.co/oZTvj2PiiV
— Deniz Kellecioglu (@denizkelleciogl) March 26, 2014
Сепак, тргање на забраната може да биде само привремено, бидејќи премиерот Ердоган, на неодамнешен митинг за престојните локални избори, рече дека сè уште им е лут на друштвените мрежи. Тwitter беше блокиран под изговор дека не одговорил на барањата од властите да ги тргне „неоснованите обвинувања за корупција на високи функционери“. Според премиерот, Twitter избришал „едно до две“ парчиња од содржина, но тоа не е доволно бидејќи имало „точно 700 постови“ што требало да се избришат.
„Јас не разбирам како луѓето со чист памет можат да ги бранат овие Facebook, YouTube и Twitter мрежи. Има купишта лаги на нив“, рече г. Ердоган.
И покрај забраната, и блокирањето на IP адресите и јавните DNS сервиси, 10-те милиони турски твитерџии, колку што ги има на мрежата, продолжуваат да твитаат со хаш-таг #TwitterisbannedinTurkey. Турција веќе подолго време гледа на друштвените мрежи како непријатели против властите, и не е прв пат да блокира големи популарни сајтови. Двегодишниот бан на YouTube беше тргнат во 2010-та година.
‘Live tweeting’ in Turkey in protest of Twitter ban http://t.co/EHLgRwEfif (via @NewsHour) pic.twitter.com/I9U4eFQiIV
— PBS (@PBS) March 25, 2014
