{mosimage}Додека работиме на компјутерот: слушаме музика, пишуваме текстови во некој едитор, инсталираме програми, бришеме програми, менуваме позадини, икони, теми и слично. Компјутерот додека извршува некоја задача, потребно му е некое привремено место каде што ќе ги складира потребните податоци за извршување (кои ние не ги гледаме), односно место во меморијата за да изврши запишување во неа.
Тоа привремено место е фолдерот TEMP кој завино од верзијата на Microsoft оперативните системи, е различно. Директориумот Temp секојдневно се полни со разни непотребни податоци кои за кратко време можат да завземат голем простор на вашиот тврд диск (HDD). Некои од локациите каде што се наоѓа директориумот се (под претпоставка дека системската партиција е "C"):
– C:WindowsTemp
– C:WINNTTemp
– C:Documents And Settings"Ваше корисничко име"Local SettingsTemp
– C:Users"Ваше корисничко име"Local SettingsTemp
– C:Users"Ваше корисничко име"AppDataLocalTemp
Затоа, за да не навигираме рачно во некоја од горенаведените локации и да бришеме рачно секој пат и секој ден, ќе креираме една Batch скрипта која ќе го извршува сето ова за нас автоматски при секое уклучување на компјутерот.
1. Како прво ќе отвориме некој текст едитор (во овој случај Notepad.exe)
2. Во новоотворениот прозорец на Notepad пишуваме:
rd %temp% /S /Q
md %temp%
(rd е команда во Microsoft Windows оперативниот систем која служи за бришење или отстранување на директориум или фолдер, потоа %temp% е повик до зададениот (default) temp фолдер на Вашиот оперативен систем, и на крај опцијата /S која служи за бришење на сите под-директориуми во дадениот директориум и опцијата /Q која овозможува целата операција на бришењето да биде во Quiet (тивок) mode, т.е. да не бара од Нас потврда за бришењето на фајловите. Додека командата md служи за креирање на фолдер, во овој случај го креираме истиот фолдер бидејќи на оперативниот систем овој фолдер е потребен за извршување на операциите.)
3. Го сочувуваме напишаното (Save As) со екстензија .bat (Пр. brisi_temp.bat)
– Save As
– File name: brisi_temp.bat
– Save as type: All Files
4. Сочуваниот документ или можеме да го оставиме на Desktop-от и кога ке посакаме само да кликнеме два пати на него и се ќе биде готово, или ќе го ставиме во фолдерот StartUp за да се изврува скриптата на секое вклучување на компјутерот (со copy/paste).
(StartUp фолдерот може да се најде на следните локации:
– C:Users"Ваше корисничко име"Start MenuProgramsStartup
– C:Documents and Settings"Ваше корисничко име"Start MenuProgramsStartup
Нормално дека постојат уште многу други начини како ова може да се изведе но тоа преостанува на Вашата љубопитност и креативност.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
