Алатката која овозможува пополнување на податоци кои се претходно зачувани во формите на прелистувачот, позната како Autofill, може да биде опасна за корисниците. Причината за ова се фишинг страници кои можат да повлечат повеќе податоци отколку што корисникот сака да сподели.
Функција која овозможува автоматско пополнување ја имаат најпопуларните прелистувачи – Chrome, Safari и Opera.
Финскиот девелопер Вилјами Куосманен презентираше пропуст кој овозможува крадење на податоци преку искористување на оваа функција. Веб страницата која е наменета за оваа пригода, има неколку видливи полиња, пример: име и имејл адреса кои се вообичаени. Сепак освен овие полиња веб страницата има повеќе скриени полиња кои ги повлекуваат останатите податоци. Г. Куосманен една од можните злоупотреби ја сподели на GitHub.
Кои податоци корисникот ќе ги споделува зависи од што има внесено претходно. Дел од податоците кои ги помнат прелистувачите се телефонски броеви, платежни картички, адреси и слично.
Image: https://github.com/anttiviljami/browser-autofill-phishing
За среќа, „лекот“ е едноставен. Корисникот едноставно треба да го исклучи автоматското пополнување на повеќе полиња.
- Во Chrome од главното мени (три точки вертикално подредени во горниот десен агол) одбрете: Settings > Advanced settings > и од менито исклучете го „Enable Аutofill“.
- Во Safari, од Preferences > AutoFill и тука исклучете ги сите податоци кои не сакате автоматски да ги внесете.
- Во Opera од Settings > Privacy & security пронајдете го “Autofill” и одселектирајте го.
За жал некои од менаџерите на лозинки како LastPass овозможуваат автоматско пополнување на податоци. Корисниците на вакви сервиси треба да ги користат единствено на веб страници во кои имаат потполна доверба.
This is why I don’t like autofill in web forms. #phishing #security #infosec pic.twitter.com/mVIZD2RpJ3
— Viljami Kuosmanen (@anttiviljami) January 4, 2017
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
