Асистентот на Microsoft, Cortana, неофицијално е достапен за Android

во Мобилни

Верзија на Cortana за Android излезе порано од очекувањата. Иако требаше да се појави на 29-ти јуни заедно со новиот Windows 10, сепак на интернет „протече“ APK од неофицијалната бета верзија на апликацијата. Иако според податоците од Microsoft станува збор за рана бета верзија на апликацијата, корисниците кои ја испробаа велат дека Cortana на Android работи подеднакво добро како и на Windows уредите. Ars Technica имаше можност да ја тестира апликацијата на Nexus 5 со Android 5.1 и според нив во текот на дводневното тестирање, апликацијата не „паднала“ ниту еднаш, иако дел од корисниците се жалат на честите паѓања на апликацијата.

За разлика од Windows Phone OS каде Cortana е гласовен асистент, на iOS и Android е само уште една информативна апликација. Во оваа бета верзија нема гласовен асистентот. Со оглед на тоа што го прави апликацијата, бројот на одобренија кои ги бара од корисникот е очекуван – Cortana бара пристап и дозвола за читање и испраќање на SMS-пораки, телефонски разговори, контакти, календар, профилите и се што е потребно, а навистина станува за куп одобрување.

„Дури и со овие пропусти резултатите се позитивни за Cortana на Android. Се чини дека синхронизацијата нема проблем и овозможува cross-platform искуство. Тешко е да се предвиди кои од присутните пропусти, се поради бета статусот, а ќе бидат поправени до финалната верзија“, констатира Ars Technica. Сепак и покрај позитивната критика, Ars Technica предлага да користите Cortana на РС, а кога ќе бидете на телефонот сепак да го користите Google Now.

Добивај известувања
Извести ме за
guest
0 Коментари
Inline Feedbacks
View all comments