ARM се приклучува во трката за креирање на оперативен систем за домашни уреди кои се поврзани на таканаречениот „Интернет на нештата“. Компанијата го креира mbed OS, базиран на работата на финскиот стартап Sensinode кој сега е дел од ARM. Оперативниот систем е направен да биде штедлив кога се во прашање батеријата и меморијата.
mbed OS e најавен како бесплатен, но сепак ќе го наплаќа користењето на софтверот на серверите кој е креиран за безбедно префрлање на податоците од уредите. Сепак ќе се направи проблем со фрагментацијата бидејќи новиот оперативен систем нема да ги поддржува уредите кои доаѓаат со процесор од останатите производители како Intel-овите Quark и Atom.
Оперативниот систем доаѓа оваа година во рацете на производителите на уреди, а првите уреди со новиот оперативен систем би можеле да ги видиме веќе во 2015 година, а први партнери на ARM се IBM, Telefonica, Marvell, NXP и Freescale.
[youtube]uderjjF30Vg[/youtube]
