Сервисот за стримање на класична музика Primephonic сега е дел од Apple. Ова е одлична вест за сите љубители на класична музика кои се корисници на некој од уредите на Apple.
Primephonic во целост е фокусиран на класична музика; од оптимизирано пребарување за класична музика, до листи креирани од експерти и дополнителни детали за изданијата. Токму овие функционалности се првите кои ќе бидат додадени на Apple Music.
За почеток платформата ќе биде интегрирана во Apple Music, но веќе е најавено дека наскоро ќе биде претставена и посебна апликација за класична музика која ќе биде дел од Apple Music. Голем дел од корисничкиот интерфејс на новата апликација ќе се базира на искуството коe доаѓа од постоечките корисници на Primephonic.
Primephonic веќе престана со додавање на нови корисници, а од 7-ми септември платформата ќе престане да постои. Постоечките корисници ќе добијат 6 месеци бесплатно користење на Apple Music.
„Како стартап фокусиран исклучиво на класична музика не може да стигнеме до сите слушатели на класична музика, особено не до оние кои слушаат многу различни жанрови. Заклучивме дека за да ја постигнеме нашата цел треба да соработуваме со водечки стрим сервис кој ги опфаќа сите музички жанрови, но ја споделува и нашата љубов кон класичната музика“, вели тимот на Primephonic.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
