Apple поднесе барање за два нови патенти, од кои првиот ќе овозможува „touch and hover“ селекција, а вториот е срцев монитор кој ќе регистрира EKG.
Првиот патент се однесува на технологија која веќе е присутна во Samsung уредите, а од поодамна ја најави и Nokia. Apple веќе најавува и примена за оваа технологија во различни апликации или функции, но најавува и попрецизна технологија од конкурентите. Срцевиот монитор е најавен за телефоните, но неговата примена изгледа далеку поприродно доколку компанијата успее да ја имплементира технологијата во паметните часовници. Засега Apple вели дека ќе се обидат да ги искористат разликите во срцевиот тон на луѓето и да го користат наместо лозинка или отпечатоците на прсти кои ги имплементираа во iPhone 5S.
Засега компанијата останува без краен рок за имплементирање на овие новитети, иако Samsung „touch and hover“-селекцијата веќе ја имплементираше во новите таблети, а новите телефони од Nokia, Goldfinger и Moneypenny исто така ќе доаѓаат со оваа технологија.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
