Apple започна да презентира дел од можностите на Apple Watch, преку први туториал видеа кои ја покажуваат персонализацијата на часовникот. Apple Watch и не е премногу различен од паметните телефони, па и не е потребно волку детално запознавање, но сепак Apple реши дека наместо реклами ќе објави видеа со кои ќе ги придобие корисниците да купат паметен часовник.
Видеата не зборуваат единствено за како да на правите промени на часовникот, туку објаснуваат дел од решенијата кои се имплементирани, како и причината за овие одлуки. Така може да дознаеме дека „вртливото копче“ е поставено бидејќи доколку го користат екранот на допир за скролување, екранот ќе биде покриен или потребата од новата „press“ команда за додавање на поедноставна интеракција. Заедно со Welcome видеото, Apple издаде три други видеа во кои ги презентира: интеракцијата со пораките, изгледот на часовникот и Friends екранот. Ова се само првите видеа, а наскоро се најавени видеа за Maps, Phone Calls и Workouts, јави Gizmodo.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
