Apple со дронови ќе ги подобрува мапите

Avatar img-thumbnail img-circle

во Свет, Хардвер

Google, Alibaba и Amazon најавуваат дронови за испорака на производи, Intel и Disney сакаат со дрoнови да заменат огномет, a Apple доцни. Сепак компанијата најавува дека ќе користи дронови да го подобри квалитетот на своите мапи.

Веста која доаѓа оваа недела е дека Apple уште во 2015 се пријавил за дозвола за користење на дронови. Компанијата оваа флота на дронови ќе ја користи да ги надгради и ажурира мапите.  Флотата ќе биде постојано активна и ќе може да ги разгледува и сообраќајните знаци, а и да забележи кога ќе има конструкција на патот, вели извор на Bloomberg.

Ова секако ќе помогне Apple Maps да станат подобри. Она што е интересно е дека Apple е сопственик и на Indoor.io. Финскиот стартап работи на технологија за мапирање на внатрешноста во објектите. Дали дроновите на Apple ќе летаат и внатре, па ќе се користат и за мапирање на внатрешноста е непознато, иако тоа би можело да биде навистина интересно.

Дел од одделот за дронови во Apple доаѓа од Amazon. Барем еден од вработените во одделот на Apple, претходно беше дел од Prime Air на Amazon, тврди Bloomberg. Дополнително и тимот на Apple за дронови е стациониран во Сиетл, САД каде е и седиштето на Amazon.

Сепак и покрај напорите на Apple, Google Maps има огромна предност. Апликацијата доаѓа преинсталирана на Android телефоните, достапна е и на iOS и веќе ја користат над милијарда корисници. Сепак ако Apple ги поправи мапите тогаш ќе ги задржи барем iOS корисниците. Можеби поинтересно ќе биде кога ќе дознаеме дали подобрите мапи Apple ќе ги искорости во технологјата за автомобили. Во последниот период стивнаа гласините дека Apple работи на автомобил, но нема да биде изненадување доколку компанијата сепак излезе со некакво решение.

Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!

basic

членство

42 ден./мес

зачлени се

1337

членство

125 ден./мес

зачлени се
* плаќањето е на годишно ниво

Доколку веќе имаш премиум членство, најави се тука.

Добивај известувања
Извести ме за
guest
0 Коментари
Inline Feedbacks
View all comments