Додека ја чекаме официјалната апликација за Vine за Windows Phone 8, дивелоперот што ја создаде 6tag (Instagram клиент за Windows Phone), го има и најдоброто Vine решение за корисниците на Windows Phone 8 оперативниот систем.
6Sec за WP8, како и Vine апликацијата за iOS и Android нуди можност за снимање и споделување на видеа во должина од 6 секунди. Преку апликацијата можете да се поврзете со други корисници, како и да ги следите и коментирате меѓу себе. Исто така, можете да ги прегледувате најпопуларните видеа и пребарувате според хаштаг.
Апликацијата е бесплатна и поддржува најавување со повеќе кориснички сметки. Инструкциите за користење на 6sec ќе ги добиете откако ќе ја стартувате апликацијата. 6Sec доаѓа во бесплатна (поддржува реклами) и платена верзија (1,29 US долари) во која се отстранети рекламите.
