За да им конкурира на Microsoft Office за Android и iPad, кои од неодамна се бесплатни за сите, Google објави самостојни Google Docs и Google Sheet апликациии. Овие две апликации и досега беа присутни на мобилните платформи со разлика што мораше да се логирате преку Google Drive апликацијата или преку мобилен прелистувач. Drive ќе продолжи да функционира како складиште за сите документи кои ги едитирате и преку самостојните Docs и Sheet апликации.
Иако се мобилни верзии кои се поедноставни и со помалку функционалности, сепак двете апликации го нудат тоа што го очекувате од Docs и Sheet – можност да едитирате, пишувате и креирате документи и презентации преку мобилен уред. Тоа што е најголема новина е офлајн мод за да креирате документи дури и ако немате пристап до интернет. Со Docs може да пишувате и едитирате текстуални документи, додека со Sheets може да креирате и уредувате табели, налик на попознатиот Excel. Наскоро ќе биде објавена и апликација за Google Slides за креирање презентации преку мобилен телефон, конкурент на Microsoft PowerPoint. Преку сите апликации ќе имате опција за лесно да ги споделите документите со соработниците.
