Хактивистите Anonymous ги нападнаа страните на властите во Украина како одмазда за гасењето на популарниот торент сајт Demonoid. Нападнати се страните на Украинската Анти-пиратска асоцијација, Агенцијата за aвторски и сродни Права, како и страните на Националната телевизија и украинскиот Совет за Радиодифузија. Нападите на страните ги потврди и Киев, а како и досега „оружјето“ кое го користат Anonymous се DDoS напади.
[youtube]f0mgeG4hh7A[/youtube]
Иако операцијата OpDemonoid започнува со напади на сајтови главната цел на оваа операција сепак ќе биде далеку поблагодарна. Според страната AnonPr, операцијата е поделена на два дела:
- Враќање на Demonoid со сите расположиви средства, а доколку е можно, Aактивирање на повеќе мирор сајтови кои ќе бидат одржувани од сите членови на Anonymous, во суштина „open source“ Demonoid.
- Напади против одговорните за затворање на страната.
„За нашата работа ќе биде потребно време и трпение, но кога ќе заврши успешно, Demonoid ќе заживее повторно.“, завршува соопштението на Anonymous.
Гасењето на Demonoid е по долгогодишно барање на aмериканските власти, кои инсистираат дека сајтот е еден од најпосетуваните на кои се дели пиратска содржина.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
