Финската компанија Rovio неодамна објави дека нивната најпопуларна игра Angry Birds до сега е преземена 400 милиони пати, а сега веќе објавува дека оваа бројка рипнала на 500 милиони преземања. Одговорното лице за маркетинг на Rovio, Питер Вестербачка, изјави дека Angry Birds е најпреземаната игра до сега и е на врвот веќе две години откако е лансирана.
Според видеото кое можете да го погледнете подоле, до сега се изиграни 266 милијарди нивоа, фрлени се 400 милијарди нервозни птици, и собрано 44 милијарда ѕвезди. Изиграни се 300 милиони минути дневно, и 109,5 милијарди минути годишно. Компанијата моментално вреди 1 милијарда долари.
Следната цел на компанијата е да стигне до цифрата од една милијарда низ цел свет, како на паметни телефони, така и на таблет и десктоп компјутери. Компанијата го проширува брендот на најразлични начини, од играчки до производи за бебиња, а наскоро се очекува да се сними и филм за нервозните птици. Rovio неодамна купи и студио за да креира кратки анимирани видеа, како и книга со разни рецепти од јајца.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Brainster 
