Google го ребрендираше својот оперативен систем за часовници. Наместо Android Wear оперативниот систем сега се вика Wear OS. Со ова, компанијата објаснува дека оперативниот систем веќе не се синронизира единствено со Android телефони. Генерално ова најмногу се однесува на сопствениците на iPhone.
„Го менуваме името бидејќи сакаме да имаме бренд кој не само што рефлектира на нашата технологија, но зборува и за различниот сет корисници кои ги користат овие часовници“, цели Денис Тропер од Android Wear.
Ребрендирањето на оперативниот систем ќе важи за сите, и за идните генерации на часовници и за веќе постоечките. Во периодот коj доаѓа сите корисници ќе забележат промена. Во следните неколку недели ребрендирањето ќе биде видливо на постоечките модели.
Заедно со промената на името, има и промена на логото. Оптимизмот по промената на името не е пораснат само кај Google, туку и кај партнерите на компанијата:
„Со ова сме сигурни дека ќе го зголемиме прифаќањето на нашите тач-скрин часовници“, вели Грег Мекелви од Fossil за Wereable.
Засега нема премногу детали, но на Google I/О во јуни очекуваме повеќе.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
