Новите автомобили во САД наскоро ќе треба да доаѓаат со технологија која ќе им овозможува меѓусебна комуникација. Технологијата ќе им помага на возачите и ќе овозможи да се намали бројот на сообраќајни незгоди, вели регулаторот од Одделот за транспорт. Технологијата која се тестира ги известува возачите за ситуациите во кои можат да избегнат незгоди, но барем засега одлуката и возењето сè уште е во рацете на луѓето. Сепак технологијата овожува возачот да биде целосно свесен за ситуацијата околу возилото.
„Vehicle-to-vehicle може да им помогне на возачите да ги избегнат сообраќајните незгоди во дури 70-80 отсто од случаите. Потенцијалот на оваа технологија е навистина огромен.“, вели Секретарот за транспорт, Антони Фокс.
Информациите кои ги разменуваат возилата не можат да се користат за идентификување на возилото, туку само имаат основни безбедносни податоци. Системот е заштитен во неколку нивоа за корисниците да бдат сигурни дека пораките доаѓаат од останатите возила. Вака формиранaта мрежа ќе овозможува современ систем за заштита од судари и ќе го олесни возењето во конвои. Возилата покрај светлосната информација истовремено ќе можат да испраќаат и податоци за брзината на возилото пред автомобилот, но и на возилото зад автомобилот.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
