Дали е можно наскоро да го видиме наследникот на Kindle Fire? Иако нема официјална најава неколку веб портали веќе почнаа да го најавуваат Kindle Fire 2. Очекувањата се новиот таблет компјутер да излезе кон крајот на јули. Една од причините може да е и најавата на Google за Asus Nexus 7 кој според цената би можел да им биде главен конкурент.
Според DigiTimes, кои се прилично доверлив извор, Amazon може да ја спушти цената на сегашниот 7-инчен Kindle Fire на 149 долари. Ова ќе им овозможи новиот 1280 х 800 модел да ја преземе цената од 199 долари. Покрај новиот 7 инчен модел Amazon најавува и 8.9 и 10.1 инчни таблет компјутери.
Иако нема вести околу процесорот или bluetooth поврзувањето, тешко е веројатно дека перформансите на новиот Kindle Fire ќе можат да се споредат со Asus Nexus 7 кој има 1,3 четири јадрен процесор, GeForce графички процесор и Android 4.1. Сепак како и досега најголема предност на Amazon ќе бидат дополнителните услугимеѓу кои: апликации, музика, книги, но и неограничен простор во „облакот“ на кој можете да ги зачувате содржините.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
