Том Хенкс е актер, добитник на Оскар, продуцент, и еден од оние луѓе на кои им фалат „старите добри времиња“ кога се куцаа писма на класичните (и гласни) машини за пишување. Актерот има колекција на машини и вели дека ги користи скоро секој ден за пишување, иако често за посложени работи мора да користи компјутер. Moжеби затоа – да си го нарави пишувањето попријатно и на компјутер – г. Хенкс го претстави својот Hanx Writer. Апликацијата ја симулира машината за пишување така што ги има гласните тапкања на буквите, хартијата оди од десно на лево, и секоја нова страна мора да биде навиткана.
„Hanx Writer е мој подарок за идните хипстери на светот“, вели актерот за USA Today. „Тоа што е пријатно и емотивно за мене е што го имате звукот дека сте притиснале копче; тоа ми дозволува да размислувам појасно. Можеби луѓето што ќе ја симнат апликацијата ќе сакаат да слушнат други звуци, но во суштина, таа е за луѓето кои бараат поинтимно искуство кога пишуваат на iPad“.
Апликацијата е бесплатна на App Store, но за нови фонтови и звучи ќе треба да доплатите 3 долари. Една од вградените функционалности, се шегува актерот, е што може да отидете во некое кафуле и да бидете апсолутно досаден со сето тоа гласно кликање.
