Carrot Weather е апликација која ќе се обиде и да ве насмее и да ви каже какво е времето надвор. По подолго време во бета, апликацијата и официјално е достапна на Android.
Она што ја прави апликацијата различна е обидот преку злобниот AI глас на Carrot апликацијата да ве информира за времето. Carrot, мрази луѓе, и тоа треба да ве насмее. Ако смеењето не е баш секогаш успешно, прогнозата на времето е прилично точна. Додуша времето во Скопје неделава баш и не е тешко да се погоди, но Carrot беше ок со часовите кога врнеше и помалку заладуваше.
Најверојатно најголемиот пропуст е ужасниот синтетизиран глас. Ако не ви се допаѓа карактерот на AI може да го промените, достапни се 4, а некои се посмешни од другите. Друго и можеби поважно во време кога има куп одлични апликации, Carrot Weather доаѓа со претплата од 4 долари годишно. Ова не е премногу, но секако има и поевтини, а и подобри апликации.
Сепак ако другите апликации ви здодеаја и сакате малку да промените тестирајте ја Carrot. Апликацијата одамна е достапна на iOS.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
