AirCare (МојВоздух) 
МојВоздух апликацијата која за глобалниот пазар е брендирана како AirCare и на поедноставен начин ни објаснува како е квалитетот на воздухот што го дишеме сега е достапна во 7 држави во регионот. Покрај Македонија апликацијата е достапна во Албанија, Босна и Херцеговина, Косово, Словенија, Србија и Хрватска. AirCare во Косово и Босна и Херцеговина пристигна порано од планираното.
Со најавата за надградбата пред околу еден месец, беше најавен и „влезот“ во Косово, но г. Јовановски тогаш најави дека ова ќе се случи пред крајот на летото. Влезот во Босна и Херцеговина беше планиран пред крајот на 2019 година. Сепак се чини дека AirCare успеа и порано од планираното да заврши со подготовките за овие пазари.
„Проширувањето во други земји го правиме постепено, и секогаш воспоставуваме врска со локална невладина организација или граѓанска асоцијација за да ни помогнат во локализацијата и промовирањето. Веќе сме во контакт со партнери во Косово и се надевам дека до крај на летото Косово ќе биде активно во МојВоздух, а до крај на годината и Босна, Грција и Бугарија. Амбиции имаме и за ширење северно, но тоа останува за понатаму“, рече пред еден месец креаторот на Мој Воздух, Горјан Јовановски.
Со исклучок на Словенија, апликацијата сега е присутна во државите со најлош квалитет на воздух во регионот. Веројатно ако се оди според плановите на девелоперите пред крајот на годината сервисот ќе биде достапен и во Грција и Бугарија.
Мој воздух е достапна на Android и iOS и може да ја преземете на следните линкови:
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
moze li informacija za zagaduvanjeto vo karpos 4??? pokazuva nenormalno visoki vrednosti dali se tocni merenjata, Blagodaram pozdrav
[…] Во јули 2019-та МојВоздух, фокусиран на B2C сегментот, се ребрендираше во AirCare со цел полесен пласман на глобален пазар, […]