Maxthon 3.0 бета – уште еден прелистувач

Дефинитивно Google Chrome направи да сите прелистувачи да го ископираат неговиот изглед. Тоа се случи прво со Mozilla Firefox кога се користеше темата Strata40, потоа продолжи Opera со верзијата 10.5, подоцна Mozilla Firefox ја издаде првата бета верзија и следен прелистувач на листа излезе Maxthon 3.0 beta. Оваа верзија на Maxthon дефинитивно ми го привлече вниманието, за разлика од порано кога го користев 20 минути и веднаш го избришав. Изгледот е подобрен, јазичињата се сместени горе, менито е изменето на многу интересен начин кое подобро ќе го објаснам малку подоле.

Исто така изменет е изгледот на почетната страна, која е „позајмена“ од Opera и прави сурфањето по интернет да биде полесно и интересно.

Менито е стеснето во едно копче каде што може да се искористи ваша слика. Потребна е регистрација за да се постави своја слика. Во опциите се наоѓаат 4 подменија : [1] General, [2] Mouse Gesture, [3] Magic Fill, [4] Smart Address Bar.

Во подменито [1] General се наоѓаат основните работи за еден прелистувач од кои се:

[5] Startup Page – што да се појави на почетната страна;
[6] Homepage – која да биде домашната страна;
[7] Default Search – кој да биде примарен пребарувач;
[8] Default web browser – дали Maxthon да биде или да не биде примарен прелистувач.

Во подменито [2] Mouse Gesture се наоѓаат опции за интеракција со глувчето:

[9] Enable Mouse Gesture – опција за да има или нема интеракција со глувчето;
[10] Mouse Gesture Trail’s Color – опција за измена на бојата на патеката од интеракцијата со глувчето.

Во подменито [3] Magic Fill се наоѓаат опциите за зачувување на лозинки:

[11] Enable MagicFill – опција за зачувува или не зачувува лозинки;
[12] Опции за лозинки (да ја покааже лозинката, да се избрише лозинка…).

Во подменито [4] Smart Address Bar се наоѓаат опциите за адресарот на веб страни:

[13] Enable Smart Address Bar – да функционираат дополнителните функции на адресарот или да не фунцкионираат;
[14] The number of results suggested – колку предлози да нуди адресарот по внесен текст;
[15] More suggestions – опција за повеќе предлози (да ги прикаже фаворитите и историјата).

Се на се заклучив дека брзината на приказ на веб страните е задоволителна, изгледот е најдобар од сите прелистувачи (по мој вкус) и лесен за користење. Дефинитивно препорачувам да се испроба, подоцна лесно е да се избрише. :) Поздрав

Оценка: 9/10 | Maxthon 3.0 beta – симни од тука :)