Чарли Шрем, поранешен член на одборот на Bitcoin Foundation, е осуден на две годишна затворска казна поради инволвирање во нелегалната трговија на интернет. Тој е казнет бидејќи неговиот сервис BitInstant им нудел услуги на купувачите на илегална роба од црниот онлајн пазар Silk Road.
Според зборовите на г.Шрем тој и неговите партнери размениле биткоини во вредност од 1 милион долари. Обвинението против г.Шрем е за перење на пари преку биткоин трансакции. Обвинителството тврдеше дека г. Шрем и неговите партнери знаеле дека овие пари ќе се користат за купување на опојни супстаници од Silk Road, јави Ars Technica.
„Зафркнав. Bitcoin заедницата е исплашена и нема повеќе перење на пари. Преплашени се. Bitcoin е мое бебе, целиот мој живот и целиот мој свет, за тоа сум донесен на земјата. Морам да бидам таму. Доколку вашата висост ми дозволи можам да бидам надвор и да се погрижам никој да не ја направи истата глупост како мене“, вели г. Шрем.
И покрај молбата, судијата сепак се одлучи за затворска казна. Сепак со оглед на тоа дека обвинителот бараше 6 годишна казна, а за делото може да се досуди и максимална 30 годишна казна, г. Шрем може да биде задоволен.
I've been sentenced to 2 years, to self surrender in 90 days. Considering I was facing 30 years, justice has been served. #Bitcoin
— Charlie Shrem (@CharlieShrem) December 19, 2014
