ACCEPT Finance Market – прв регионален саем за сметководство, финансии и технологија

ACCEPT Finance Market, првиот регионален саем за сметководство, финансии и технологија, ќе се одржи на 16 октомври 2026 година на Загрепскиот велесаем и на едно место ќе обедини пет индустрии: финансии и сметководство, ИТ, човечки ресурси и академската заедница.

Вештачката интелигенција и автоматизацијата најбрзо ги менуваат токму оние професии кои до неодамна беа синоним за администрација и рутински задачи – сметководството, финансиите, контролингот и пресметката на плати.

ACCEPT Finance Market, првиот регионален саем за сметководство, финансии и технологија, ќе се одржи на 16 октомври 2026 година на Загрепскиот велесаем, со цел да покаже како овие промени изгледаат во пракса.

Саемот, во организација на компанијата CFO Management од Загреб, е наменет за професионалци од областа на финансиите, сметководството, ревизијата, ИТ и човечките ресурси, додека учениците и студентите ќе добијат директен увид во потребите на современиот пазар на труд.

„ACCEPT Finance Market 2026 е одговор на брзата трансформација на сметководството и финансиите, кои стануваат силен генератор на промени во секоја организација. Вештачката интелигенција нема да ги замени сметководителите ниту финансиските експерти, но ќе го промени начинот на кој тие работат, а тоа веќе денес го гледаме во пракса. Истражувањата покажуваат дека успешната примена на вештачката интелигенција може да ги намали оперативните трошоци до 20%, дигитализацијата и автоматизацијата на процесите ја зголемуваат брзината на обработка на податоците во сметководството, известувањето и продажбата за 50%, а трошоците за работа ги намалуваат и до 30%. Овие промени веќе им овозможуваат на сметководителите и финансиските експерти, наместо оперативна, да преземат стратешка функција во компаниите“, изјави Ивана Живковиќ Абрахам, директорка на CFO Management и организаторка на саемот.

Фокусот на саемот е ставен на дигитализацијата, вештачката интелигенција, актуелните регулаторни промени, како и на развојот на нови знаења и вештини кај идните сметководители и финансиски експерти. Програмата ќе опфати повеќе од 30 стручни предавања, панели и практични работилници, како и повеќе од 50 презентации на најнови софтверски решенија.

Посетителите ќе можат да видат ERP системи од новата генерација кои во реално време ги поврзуваат набавката, магацинското работење, сметководството, продажбата и човечките ресурси; fintech и payment платформи кои ја автоматизираат наплатата; HR системи и системи за пресметка на плати кои ги следат законските промени и управуваат со целиот животен циклус на вработените; DMS системи за управување со документација и архива; како и AI алатки за аналитика и управување со ризици.

Предавањата и панел-дискусиите ќе соберат експерти од различни области. Меѓу нив е и меѓународната експертка за развој на човечки ресурси во мултинационални компании, Искра Конеска од Скопје, која ќе зборува за планирање на работната сила и организациски развој базирани на вештачка интелигенција.

На програмата ќе учествуваат и адвокатката и експертка за регулаторна усогласеност во областа на вештачката интелигенција Катарина Булиќ Бештулиќ; проф. д-р Сања Малиш Север, деканка на Економскиот факултет во Загреб; Ѓурѓица Мостарчиќ од Хрватската занаетчиска комора и Тамара Катарајн од Хрватската стопанска комора, како и даночниот советник и експерт за финансиска форензика Хрвоје Згомбиќ, претседателот на Хрватската комора на даночни советници Иван Чевизовиќ, меѓународниот експерт за приватност и управување со вештачка интелигенција Вилијам Бел и консултантот и FranklinCovey тренер Роко Водопија.

Свои решенија ќе претстават и компании како FynTwin, Ognio, Forvis Mazars и Abysalto.

Технологијата ја презема рутината, но луѓето остануваат клучни

Покрај технологијата, еднакво важен дел од приказната се луѓето. Компаниите се соочуваат со сè поголем предизвик да ја пронајдат соодветната алатка, но и да ги развијат и задржат вработените кои ќе знаат да работат во новото опкружување.

Технологијата може да ги автоматизира рутинските задачи, но не може самостојно да препознае деловен проблем, да донесе одлука, да поврзе различни функции или да изгради однос со луѓето. Затоа, инвестирањето во дигитализација без паралелно инвестирање во знаењето и компетенциите на вработените има многу ограничен ефект.

„Најголемата пречка е јазот меѓу она што технологијата денес може да го направи и она што компаниите навистина знаат и се подготвени да го применат. ACCEPT сака токму да го намали тој јаз, односно да ги поврзе луѓето кои го препознаваат деловниот проблем со оние кои нудат решение за него“, додава Живковиќ Абрахам.

Организаторите ја истакнуваат и важноста на културата на континуирано учење. Новите генерации вработени имаат поинакви очекувања од работното место и не сакаат бесконечно да препишуваат податоци, да чекаат некој да им испрати табела или да извршуваат рутински задачи кои може да ги преземе технологијата.

Компаниите кои нема да го разберат тоа нема да имаат проблем само со дигитализацијата, туку и со привлекувањето и задржувањето квалитетни кадри.

Дел од приходите ќе бидат наменети за општествено одговорни активности

Саемот има и силна општествено одговорна компонента. Во соработка со здружението HUP Pčelinjak Zagreb, дел од приходите од секој продаден билет, како и од спонзорите, ќе биде наменет за донирање пчелни заедници и пошумување на градови и општини низ Хрватска.

ACCEPT Finance Market ќе се одржи во петок, 16 октомври 2026 година, со почеток во 9 часот, во Павилјонот 7/7A на Загрепскиот велесаем.

Билетите се достапни преку Entrio.hr, а повеќе информации за програмата може да се најдат на страницата на ACCEPT Finance Market 2026.