Телефоните на Lenovo сега се официјално достапни во Македонија

Lenovo ќе започне официјално да ги продава своите паметни телефони преку двата мобилни оператори One и Vip. Најавени се осум модели, меѓу кои е и high-end телефонот Lenovo Vibe Z2 Pro, иако кај операторите во моментот се достапни само три модели кои чинат околу 6.000, 8.000 и 18.000 денари. Другите најавени модели се Vibe X, S860, S850, S580, A536, A328 и A369i, кои имаат различни цени за различните вкусови на корисниците. Телефоните исто така ќе бидат достапни и преку други ИТ продавници.

Според Lenovo, Mакедонија е една од ретките европски земји во кои се продаваат нивните телефони, и тоа е овозможено поради „добро развиен пазар за интернет технологијата, и таа е и меѓу првите земји што работи со 4G технологија“.