Sway е новаа апликација од Microsoft, додаток на пакетот Office која овозможува креирање на содржини налик на веб сајтови. Креирањето на сајтови е едноставно, но може да додавате единствено слики и текст, што сепак е доволно за креирање на навистина богат документ.
„Sway е нов начин на креирање прекрасен, интерактивен, веб базиран израз на вашите идеи, без разлика дали го правите од телефон или прелистувач. Споделувањето на вашата креација е едноставнои изгледа одлично на било кој екран. Вашите идеи немаат граници, рабови, page-break, ќелии или слајдови. Нашиот ум е континуирано платно, а Sway го оживива ова платно“, објави тимот кој работи на Sway.
Конечното креирано решение е презентирано како веб сајт, но всушност станува збор за комплексен нов формат кој се наоѓа на Microsoft cloud серверите. Креирањето на содржините е едноставно, така апликацијата во добар дел самостојно ги подредува сликите и текстот, па дури и одбира соодветна боја за позадината. „Сајтовите“ изгледаат различно на екраните со различна големина. Засега креирањето на Sway е можно единствено преку веб апликацијата, но тимот најавува iOS, WIndows Phone и Android апликација наскоро, јави The Verge.
[youtube]Jw-g6IuBVJE[/youtube]
