Facebook ја објаснува приватноста после големите промени

Но… за многу корисници ова појавување на различни веб страни е нарушување на приватноста. Најголемиот проблем е што покрај големите промени Facebook заборави да им објасни на корисниците како функционираат плагините, односно дека „присуството“ во плагините е изборно. Истотака вината кај Facebook е што од старт информациите на корисниците се јавни.

За да ги смири корисниците Остин Хуген од Facebook воблог пост објасни дека „плагините се дизајнирани така што сајтовите кои ги имаат друштвените плагини не ги добиваат тие информации.“

Тој објаснува дека постојат три друштвени алатки: „Like“ копче кое го кликате ако нешто ви се допаѓа кое се прикажува како линк на вашиот Facebook профил, постои „Activity Feed” или плагин каде се покажуваат кои линкови им се допаднале на вашите пријатели, и „Rеcommendations” плагин кој сугерира содржина од сајтот.

Доколку не сакате ниту еден од овие плагини да ви користи информации, односно не се чувствувате сигурно некој сајт да прикажува информации од пријатели тогаш можете да ги контролирате информациите преку „Likes and Interest“, „Posts by me” и „Instant Personalization Pilot Program“ опциите за приватност на Privacy Settings на вашиот Facebook профил.

Исто така отидете на „Аpplication settings“, горе десно одберете „Authorized” и прегледајте ги сите апликации на кои сте им дозволиле пристап до вашите информации. Користејќи „Еdit Settings” и „Block” можете да ги ограничите апликациите.

Тука ќе го најдете блог објаснувањето на Facebook на македонски преведен со Google Траnslate.