Еден од директорите на Microsoft му кажа на Европскиот парламент дека компанијата сè уште не го криптира сообраќаjот помеѓу два сервери, објави Ars Technica. „Тоа што можам да го кажам во моментов е дека собраќајот од сервер до сервер не е криптиран. Поради ова го разгледуваме нашиот безбедносен систем“, вели Дороти Белц.
Компаниите како Microsoft, Yahoo и Google сега се под окото на јавноста и на Европската комисија откако неодамна, Washington Post го обелодени Project MUSCULAR – со кој NSA ги прислушува корисниците приклучувајќи се токму на сообраќајот помеѓу центрите за податоци на Google и Yahoo!, нема причина за сомневање дека ова не се случува и со Microsoft, па наскоро може да се очекува и далеку построг став на комисијата, кој би можела да наложи криптирање на сообраќајот од Европа.
Засега останува нејасно дали во сообраќајот спаѓаат и услугите како Outlook, Xbox Live, Office 365 и слично. „Во моментов разгледуваме дополнителни потребни промени со кој ќе ги заштитиме податоците на нашите корисници“, вели Microsoft.
