Painter Essentials 8 е пристапен пакет од алатки кој им дозволува на почетниците полесно да навлезат во водите на дигиталната уметност и дизајнерство.
Painter Essentials 8 се одликува со уникатна околина за сликање каде можете да групирате повеќе слични четки заедно. За остварување на оваа цел, имате на располагање над 23 нови четки кои си го имаат најдено нивното место во најразлични категории како моливи, пенкала, алатки за мастило, честички и слично.
За поедноставно справување и избирање бои, имате десет дополнителни стилови кои ги надополнуваат AI автоматските можности за боење. Корисниците се имаат пофалено дека многу брзо и лесно може да се обои одредено дело за да изгледа како традиционална слика.
Painter Essentials 8 крие многу повеќе опции од горе-споменатите, а за да ги проверите нема потреба ниту од огромни месечни претплати ниту од запрепастувачка еднократна цена. Painter Essentials 8 чини 40 евра, а имате на располагање и пробна верзија.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
