Вчера беше невозможно да се избегне веста дека Microsoft e новиот сопственик на ZeniMax Media и правата за серијалите како The Elder Scrolls, Fallout, Doom, Quake, и Dishonored. За цена од неверојатни 7.5 милијарди долари, бројни студиа со над 2300 вработени се најдоа под чадорот на Xbox, а сите нивни игри набргу ќе станат дел од Xbox Game Pass.
Ова е втората најскапо направена зделка во историјата на гејмерската индустрија. Првото место и понатаму се држи од Tencent и нивното купување на развојното студио Supercell за 8.6 милијарди долари. Чисто за пример, Mojang (Minecraft) беше купен за 2.5 милијарди долари.
Сите идни игри на Bethesda инстантно ќе бидат дел од Xbox Game Pass претплатата, со што конзолата на Microsoft стана исклучително попривлечна. Се претпоставува дека игрите како Starfield и The Elder Scrolls VI би можеле да бидат екслузивни за PC и Xbox пазарот, но не и за PS5.
/cdn.vox-cdn.com/uploads/chorus_asset/file/21899070/BethesdaXbox_HERO.jpg)
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
