Што е ново во Windows Phone 8

Мicrosoft ја претстави новата верзија на мобилниот оперативен систем Windows Phone 8. „Осумката“ доаѓа со доста интересни опции меѓу кои и поддршка за процесор со повеќе јадра, дигитален паричник, односно NFC технологија и Skype интеграција.

Една од највпечатливите промени е новиот домашен екран, иако можеби не најважната. Со WP8 Microsoft се префрли на NT kernel на нов ОС познат како Windows Core кој исто така се користи и за менаџирање на фајлови, драјвери и мултимедија на Windows 8. Интересно е што и двата ОС сега ја имаат осумката за да се задржи континуитетот на брендот.

Windows Phone 8 ќе има поддршка за процесори со повеќе јадра, и наскоро може да очекуваме вакви WP8 уреди од Samsung, Nokia и HTC ширум 180 земји. WP8 ќе поддржува три резолуции, WVGA, WXGA и 720p, иако може да поддржи и 640×480 но Microsoft не сака да се замара со такви уреди.

Додена е и NFC технологија со која ќе може да се плаќа безжично. Телефонот ќе функционира како дигитален паричник во кој ќе може да се складираат информации за кредитни картички и да се плаќа преку нив, нешто што го претставија претходно и Google и Apple, па Microsoft мораше да реагира да не заостане.

Но, на просечниот корисник сите овие новини ќе му значат малку. За него е важно што сега има нов домашен екран и кориснички интерфејс кој ќе можат да си го персонализираат. Дополнително сега има и Skype и VoiP интеграција. Во суштина Microsoft креираше инфрастуктура која ќе поддржи преку API-ја да се креираат VoIP апликации, вклучувајќи го и Skype.

[youtube]25DKXGKblOw[/youtube]