Ова е период во кој имате бесплатно за играње неколку крајно квалитетни игри. Без да должиме многу, еве што го чека вашето непречено преземање и играње, без да дадете денар!
Grand Theft Auto V Premium Edition е бесплатна на Epic Store
Во чест на нивната штотуку започната распродажба, една од најпопуларните игри во гејмерската историја може целосно да се преземе и игра без да потрошите денар. За онлајн делот на играта добивате и 1,000,000 долари! Зделката истекува на 21 мај.
LEGO® NINJAGO® Movie Video Game е бесплатна на PlayStation Store
Играјте со вашите омилени лего нинци и совладајте ги вештините за трчање низ ѕидови, вртоглаво скокање и адреналинско борење со предизвикувачки непријатели. Играјте сами, или со уште тројца други пријатели. Играта е достапна и на XBOX. Побрзајте!
Assassin’s Creed Discovery турите се бесплатни на uPlay
Самостојните режими за двете најнови Assassin’s Creed игри нудат интересно искуство и увид во древна историја. На располагање имате Discovery Tour: Ancient Greece и Discovery Tour: Ancient Egypt. Напоменуваме дека ова не се цели игри, туку еден вид информативни, виртуелни прошетки низ нивните светови. Феноменална дигирална забава за љубителите на историја.
Crusader Kings II: Horse Lords е бесплатна на Steam
За стратегијата која ги владее сите стратегии, ако по ништо друго, тогаш по бројот на додатоци за играта, Paradox реши да ја подари деветата експанзија за играта и да ви пионуди нови системи и механики, како во владата, така и во поглед на трговијата, војната и културна експанзија.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
