Иако Microsoft и Nokia се сконцентрирани да ја развијат и направат конкурентна Windows Phone платформата, сепак се чини дека не го заборавија и Symbian. Или подобра кажано не ги заборавија само Symbian Belle уредите како Nokia 701, 700 603, Е7, C7 и други.
Корисниците на овие уреди сега ќе можат да си симнат Microsoft Office Mobile апликација, која до сега беше ексклузивно достапна за Windows Phone. Word Mobile, PowerPoint Mobile, Excell Mobile ќе им се приклучат на претходно објавените OneNote, Document Connection и PowerPoint broadcast апликациите кои беа објавени во февруари оваа година.
Според Nokia, Microsoft Office наскоро ќе биде достапен и за уште неколку уреди меѓу кои и Nokia N8.
