При програмирање, има делови од нашиот код кои би сакале да бидат извршени, зависно од еден или повеќе други услови. За решавање на ваков проблем, се користат т.н. if-elif-else statements а во следното 10-минутно видео, има два примери преку кои може да научите како и кога истите се користат.
Во првиот пример, имаме листа од 100 броеви, за кои проверуваме за секој од нив дали е парен или непарен и го известуваме корисникот за резултатот. Односно доколку (if) при делење на бројот со 2, немаме остаток, би сакале да го известиме корисникот дека бројот е парен. Во секој друг случај (else), го известуваме корисникот дека станува збор за непарен број. Во овој случај има 2 можни сценарија, бројот е парен или непарен па соодветно е да се користи if-else statement.
Вториот пример вклучува повеќе од 2 сценарија па соодветно е да се користи if-elif-else statement. Имено, корисникот треба да одговори прашање за својата возраст, па зависно од одговорот, би сакале да добие соодветен одговор дали е доволно возрасен. Во видеото, границата во примерот е 21-година. Доколку (if) корисникот е постар од 21-година, би сакале да го информираме дека има дозвола за влез, но доколку (elif) корисникот има 20 години, би сакале да го информираме дека за 1 година би имал дозвола и во останатите случаи (else), би сакале да вратиме порака дека корисникот е премногу млад.
Треба да се има во предвид дека при користење на if-elif-else statements, може да има само едно if сценарио, бесконечно многу elif и само едно else кое ги опфаќа сите останати можни сценарија.
Напомена – текстот го напиша Костадин Ристовски автор на туторијалите
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
