На RootZWiki беа постирани неколку слики од Ice Cream Sandwich верзијата која работи на Nexus S. Сликите покажуваат променет Android интерфејс и од тоа што може да се види, доминира сината боја, има поразличен нотификациски таб и има копче за побрзо префрлање меѓу апликации.
Од премногу замаглените слики не може да се види целиот интерфејс, но се очекува да биде налик на верзијата на Android за таблет компјутери, Honeycomb. Идејата зад Ice Cream Sandwich е да биде комбинација од Gingerbread, верзијата за мобилни, и Honeycomb, со цел да ја реши фрагментацијата на Аndroid (различни уреди има различни верзии на Android што е проблем за апликациите).
Според RootZwiki и Android Police, Ice Cream Sandwich ќе има вградено панорама мод во камерата, ќе bide овозможена NFC технологијата, Gmail ќе биде со променет дизајн, ќе има вграден Google Search во најгорниота дел на интерфејсот како кај Honeycomb, и ќе има опција за стартување на апликации и виџети.
Ice Cream Sandwich ќе се појави првин на идниот Nexus Prime телефон, но се уште не се знае датумот кога. Се претпоставува дека ќе се појави во ноември.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Каде ќе биде позициониран search bar-от е најмалиот проблем на Android OS.
Можеби, само можеби, ова ќе биде вистинската верзија 1. Зашто, ова досега беа сѐ бета верзии, ред до ред.
А потоа Google треба да се зафати со регулација на две клучни работи: контрола на производителите за да се добие конзистентност и контрола на подивените продавници на апликации.