Од оваа недела жителките на Саудиска Арабија ќе добиваат известувања за разводите преку текст пораки. Целта на новата пракса е да се прекине досегашната пракса со која жените беа разведени без никакво знаење, вели BBC.
Од викендот судот ќе мора да ја извести и жената дека е разведена. Текст пораките можеби изгледаат како непригоден начин за известување, но досега постоеја тајни разводи. Во овој случај мажите воопшто и не им кажуваа на сопругите дека се разведени.
„Новата мерка овозможува жените да ги добијат своите права (алиментација) кога ќе се разведат. Новата мерка гарантира дека и полномоштвата кои им се издаваат на адвокатите, не може да се злоупотребат по истекот на парниците“.
Законот е дел од реформите кои ги промовира престолонаследникот, принцот Мухамед бин Саламан.
За жал целосната рамноправност е сè уште далеку. Жените во Саудиска Арабија без дозвола од машки старател не можат да добијат пасош, па ни да излезат од затвор, дури и по истекот на казната.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
