Утре основачот на Facebook, г. Марк Закерберг има средба со претставниците на Европскиот парламент, јави Politico. Состанокот требаше да биде зад затворени врати, но Антонио Тајани објави дека во последен момент успеале да договорат стрим во живо.
Според очекувањата г. Закерберг ќе треба да одговори на некои прашања поврзани со скандалот со Cambridge Analytica. Секако нема да биде исклучено фокусот да биде и на новиот закон за заштита на податоците на корисниците – GDPR.
Лично разговарав со основачот на Facebook г. Закерберг за можноста за стрим на состанокот. Со задоволство можам да објавам дека го прифати нашето барање, вели г. Тајани.
I have personally discussed with Facebook CEO Mr Zuckerberg the possibilty of webstreaming meeting with him. I am glad to announce that he has accepted this new request. Great news for EU citizens. I thank him for the respect shown towards EP. Meeting tomorrow from 18:15 to 19:30
— Antonio Tajani (@EP_President) May 21, 2018
За разлика од дводневното испитување во САД, состанокот во Европскиот парламент ќе трае 1 час и 15 минути. Започнува во 18:15 и завршува во 19:30.
