Безбедносни пропусти во фирмверот на најголем дел од процесорите на Intel им овозможува на хакерите да преземат контрола врз компјутерот. Речиси сите компјутери со Intel Core процесор по 2015 година се подложни на напад од далечина. Поради ова Intel издаде јавно предупредување.
Пропустот во ME го открија истражувачите на Positive Technologies, Максим Горјачи и Марк Ермолов.
Зафатени од пропустот и подложни на напад се:
- 6-та (Sky Lake), 7-ма (Kaby Lake) и 8-ма генерација (Cannon Lake) на Intel® Core™
- Intel® Xeon® Processor E3-1200 v5 и v6 процесорите
- Intel® Xeon® Processor Scalable Family
- Intel® Xeon® Processor W Family
- Intel® Atom® C3000 Processor Family
- Apollo Lake Intel® Atom Processor E3900 series
- Apollo Lake Intel® Pentium™
- Celeron™ N и J series
Ако имате процесор понов од 2015 година, преземете ја алатката од Intel и анализирајте го компјутерот. Иако речиси со сигурност се во опасност. Пронајдени се четири пропусти во верзиите на фирмверот од 11.0 до 11.20. Пронајдени се и две во постарите верзии на ME, 2 за Server Platform Services верзија 4.0 и 2 во TXE верзија 3.0
Безбедносниот пропуст им овозможува на напаѓачите да „се претстават“ како ME/SPS/TXE и да ја загрозат безбедноста. Потоа можат да вчитаат и стартаат код кој ќе биде невидлив и за корисникот и за оперативниот систем, што ќе овомзожи паѓање на системот и негова нестабилност.
Компанијата ги советува корисниците да ги проверат страниците на производителите за надградбa на фирмверот.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
