Facebook го претстави новиот уред за виртуелна реалност. Oculus Go се очила за виртуелна реалност, за кои не е потребен дополнителне хардвер од Oculus. Новиот производ го претстави Марк Закербер на Oculus Connect 4 во Сан Хозе.
Oculus Go во моментов е најдостапен уред, барем според цената од 200 долари. Засега нема премногу податоци за хардверот. Go e преносен уред за виртуелна реалност; доаѓа со WQHD LCD дисплеј и spatial аудио. Уредот ќе ги споделува апликациите со Gear VR, очилата за виртуелна реалност од Samsung.
Oculus Go е прв уред кој Facebook го презентира откако на чело на одделот за виртуелна реалност е Хуго Бара.
„Oculus Go е одличен за играње видеоигри, гледање на филмови или за дружење со пријателите во виртуелната реалност“, вели г. Закерберг.
Според најавата, очилата ќе бидат достапни на почетокот на 2018 година. Ова е под услов уредот да биде прифатен од Федералната комисија за комуникација.
Речиси истовремено со претставувањето на Go, Oculus ја откри и новата цена за Rift, кој сега заедно со контролерите е достапен за 400 долари.
