Радио – Macedonia radio е македонска апликација изработена од Бране Петкоски, девелопер и долгогодишен член на форумот на IT.mk. Но, ова не е промоција на член на форумот, туку промоција на македонска апликација која е целосно бесплатна, без реклами, со минимален дизајн и корисна за слушање на македонско радио. Според Бране, мотивацијата му било да креира апликација за стрим на македонските радија, која освен што е корисна ќе изгледа добро.
Апликацијата го прави токму она што го ветува, овозможува стрим со речиси незабележително баферирање. Потполно бесплатна, без реклами, и според Бране, работи подеднакво добро и на најевтините и на најскапите телефони. Во моментов може да слушате 28 радио станици, а секоја се разликува со сопствена илустрација и кус опис.
Единствената забелешка која ја имаме е можеби додавање на малку подолг опис на радијата, нивните содржини и програма. Илустрацијата на радио-станиците кога стримате музика може да биде и поголема, но надвор од овие коментари за изгледот, Радио е навистина одлична апликација.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
