InstaAgent, популарна апликација за анализирање на Instagram профили, повеќе не може да го пронајдете во AppStore. Apple ја отстрани апликација која имаше околу 500.000 корисници, откако германски девелопер посочи дека таа всушност е malware кој собира кориснички имиња и лозинки од корисниците, јави AppleInsider.
I would say "Who Viewed Your Profile – InstaAgent" is the first malware in the iOS Appstore that is downloaded half a million times.
— David L-R (@PeppersoftDev) November 10, 2015
Она што можеби е загрижувачко е што зад потполната функционалност која ја нудеше апликацијата, таа тајно ги препраќаше податоците на корисниците и до трети сервери, не само до Instagram. Понатаму овие податоци се користea за спам од профилите на корисниците. Пред да биде повлечена InstaAgent беше на прво место во бесплатните апликации, по бројот на преземања во неколку региони, помеѓу кои и Канада и Велика Британија.
Она што го загрижува Apple е што бројот на пробивање на App Store, во последниов период е загрижувачки голем. Пред неколку месеци модифицирана верзија на Xcode ја преполни продавницата со компромитирани апликации кои Apple мораше да ги отстрани.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
