Преку Twitter профилот Amped Attacks, анонимен хакер започна да објавува имиња на членови на американскиот расистички култ, Кју Клакс Клан. Помеѓу првите посрамени имиња се најдоа и имиња на четворица американски сенатори, Томас Тилис, Џон Корнин, Џон Харди Исаксон и Ден Коатс, јави Salon. Нема докази за вмешаноста на сенаторите со кланот.
@Amoswtlcindy Amos, completely false. I have never had any affiliation with the Ku Klux Klan and deplore all forms of discrimination
— Senator Dan Coats (@SenDanCoats) November 2, 2015
Иако хакерот и хактивистите Anonymous негираа дека соработуваат на некој начин, сепак има најава дека ќе бидат откриени уште имиња на расисти, овојпат тие објави ќе ги направи групата.
„Немам никаква врска со Anonymous или било која група на хактивисти. Јас сум сам свој човек, работам сам според моите сфаќања и хакирањето на WBC е нешто што сметав дека треба да го направам бидејќи се уморив од нивната омраза“, вели анонимниот хакер.
Украдените податоци наводно доаѓаат од сајтовите на ККК и од датабазите на истите, како и од електронската пошта која ја добивале дел од сенаторите. „Ја разгледав електронската пошта, и она што ме заинтересира е зошто политичарите кои ги споменувам имаат профил на било кој вебсајт доколку немаат никаква врска со нив,“ додава Amped Attack. Но, сенаторите побрзаа да се дистанцираат од било каква поврзаност со контроверзниот ККК, додека откриените расисти се обидоа да се оправдаат со закани.
Она што е јасно е дека за членовите на Кју Клукс Клан неволјите само што започнуваат. Овојпат хактивистите Anonymous најавија дека на 5-ти ноември ќе започнат да ги објавуваат имињата на членовите. Аnonymous има историја на континуирана битка против расистичката група. „Денес им ги бутнавме серверите, собравме лични податоци за членовите и се инфилтриравме на Twitter и сајтовите. Ова е само почеток, на 4-ти започнуваме со објави на Twitter за операцијата, а на 5-ти ќе објавиме имиња на над 1.000 членови на Кју Клукс Клан,“ велат од групата.
Why are you being so edgy @MilitantKnights, even ISIS doesn’t cry this much when we wreck them. #ManTears
— Anonymous (@YourAnonCentral) November 1, 2015
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
