По три години зад решетки, Готфрид Свартхолм , еден од тројцата основачи на Pirate Bay, конечно е надвор од затвор, пренесува Torrent Freak. Познат подобро на Интернет под псевдонимот Anakata, шведскиот програмер го напушти затворот во Данска минатиот месец, но мораше да одлежи и едномесечна затворска казна во Шведска поради хакерски напад. Потврдата за ослободувањето на г. Свартхолм дојде од Twitter профилот на мајка му, кој поддржувачите го користеа за да изразат солидарност и да побараат негово ослободување.
Со ова сите основачи на PirateBay, контраверзниот и популарен торент тракер, конечно се на слобода, откако Питер Сунде, Фредрик Неиј беа ослободени преходно. Инвеститорот Карл Лудсторм, кој беше обвинет за пиратерија заедно со основачите во 2009-та година, помина четири месеци под електронски надзор.
Yes, #anakata is free now. No more need to call for #freeanakata. Thank you everyone for your important support during these three years!
— Kristina Svartholm (@KSvartholm) September 28, 2015
