Nokia сака пак да произведува телефони… но само ако најде партнер

Во април Nokia, некогашниот лидер на пазарот на телефони, излезе со став дека веќе нема да произведува уреди. Но Nokia сега вели дека ќе се врати на пазарот за паметни телефони, иако во моментов компанијата не размислува да претстави нови телефони, туку на пронаоѓање на вистинскиот партнер со кој ќе го произведува телефонот. Се чини дека партнерството со Microsoft кој им го купи мобилниот оддел, не вродува со плод. Microsoft дури и се откажа од својaта Windows Phone платформа, поради надомоќноста на Android и iOS. Оперативниот систем на Nokia, Symbian, веќе со години е бескорисен.

„Вистинскиот модел за Nokia е преку лиценцирање на брендот. Ова значи дека треба да пронајдеме партнер кој ќе биде одговорен за производство, продажба, маркетинг и грижа за корисници. Доколку успееме да пронајдеме партнер кој ќе ја сподели оваа одговорност, ќе соработуваме поблиску и ќе помагаме со совети за дизајн и технологија, слично како со Nokia N1 таблет компјутерот“, вели Nokia.

Доколку со нетрпение очекувате Nokia телефон и не може да се одлучите дали да почеката или да купите друг телефон, Nokia има обврска од договорот со Microsoft да не произведува телефони до 2016 година, јави TechnoBuffalo.