Македонското софтверско студио РеАктив организира натпревар во програмирање со акцент на .NET. За натпреварот може да се пријават сите заинтересирани, но РеАктив ќе ги избере десетте најдобри кандидати кои ќе учествуваат на натпреварот.
Тоа што е интересно е што покрај наградата PlayStation4 од РеАктив се решија на најдобрите да им понудат и договор за вработување во компанијата. Пријавувањето е веќе започнато, а селекцијата ќе биде од 20 мај до 20 јуни, по што на 20 јуни ќе бидат објавени имињата на 10 најдобри кандидати кои ќе учествуваат во натпреварот.
Ре:Викенд ќе се одржи на 4 и 5 јули во просториите на РеАктив. Пријавувањето за натпреварот е отворено и заинтересираните можат да го направат преку формулар од штандот на Job Fair или на Facebook страната на РеАктив.
