Во денешно време, нема за што не постои веб сајт. Придружувајќи се до принципот: кратко, но слатко, одбравме 5 корисни сајтови кои ќе ви помогнат во извршување на 5 различни работи. Почнуваме со сајт за автоматизирање постови, се движиме преку сајтови за најразлични курсеви, а завршуваме со сајтови кои ќе ви помогнат да бидете попродуктивни или пак подобро да пишувате.
1. Автоматизација
Buffer.com ви дозволува да постирате и да закажувате кога да се поставуваат дополнителни објави на бројни социјални мрежи, се со цел да се истакнат содржините, да се зголеми интерактивноста помеѓу следбениците и да се автоматизира целиот процес на сервирање и пласирање објави низ арсенал од социјални мрежи!
2. Образование
Class-central.com – Бројни онлајн курсеви од најразлични сфери кои се пласираат од над 1200 универзитети, 80 провајдери и над 1000 институции. Бројни курсеви нудат бесплатни сертификати.
3. Цртање
Autodraw.com – Преку овој веб сајт можете да нацртате нешто со слободна рака и таквиот цртеж автоматски да се трансформира во значително поимпресивна алтернатива.
4. Продуктивност
Noisli.com e веб сајт кој ќе ви помогне да се попродуктивни така што ќе ви пушта релаксирачки звуци кои се замислени да ви го подобрат фокусот и да ја зголемат вашата работоспособност.
5. Пишување
Typingweb.com ви дозволува да станете експерти и значително побрзи во пишување преку корисни и инвентивни образовни сесии кои ви кажуваат како да ги поставувате рацете и на што да внимавате при вежбањето.
Кратко и, се надеваме, јасно; без многу филозофирање поминавме низ 5 одлични вебсајтови. Во случај да ви се допадна тоа што го одбравте и да сакате уште, останете со нас и во иднина! :)
Коментари
Нема коментари. Отвори форумска тема и започни ја дискусијата.