Добредојдовте на нашиот нов серијал преку кој би сакале на кратко да ве запознаеме со три наслови кои сеуште не се излезени, но делуваат како игри за кои би вредело да се почека малку. Во оваа прилика разгледуваме акциона RPG игра, стратегија, и авантура. Или, со други зборови: за секого по нешто!
Riftstorm – co-op шутер со roguelite механики
Во Riftstorm, развојното студио Mythic Protocol ќе ве стави во чевлите на елитен оперативец кој има за цел да лови надприродни суштества и да истражува бројни невообичаени светови.
Ветување за забавен roguelite shooter
Сами или со вашите пријатели, ќе можете да навлезете во top-down перспектива, да пукате кон непријателите користејќи огромен арсенал од оружја, флуидно да избегнувате напади или, пак, да имплементирате уникатни способности за сеење масовна деструкција. Riftstorm има уникатен графички стил, солидни анимации и различни можности за експериментирање.
Повеќе детали за играта
- Произведува: Mythic Protocol
- Издава: Mythic Protocol
- Жанр: Roguelite, shooter
- Платформа: Microsoft Windows
Thrive: Heavy Lies The Crown личи на сложена симулација со градење и управување на средновековен град
Од девелоперите Zugalu Entertainment, ни доаѓа амбициозна стратегија со комплексни системи за крафтање, PvP и управување со средновековен град.
И во Thrive: Heavy Lies The Crown можете да навлезете сами или со вашите пријатели, но, за разлика од нашиот прв предлог, во оваа стратегија ќе имате за задача да истражувате огромна земја од средновековниот период, да донесувате бројни избори кои ќе имаат значајни последици, како и да навлегувате во епски RTS битки.
Thrive: Heavy Lies The Crown изобилува со механики. Ќе можете да собирате ресурси, да градите структури, да ги истражувате пределите околу вас и да (не) градите добро-соседски односи. Тежината на изборот е нешто што често се споменува од девелоперите и ќе биде особено важно какви одлуки ќе донесувате во играта.
Повеќе детали за играта
- Произведува: Zugalu Entertainment
- Издава: PlaySide Publishing
- Жанр: Стратегија, симулација, PvP
- Платформа: Microsoft Windows
Exilium – Карактеристична point & click авантура со некарактеристична приказна
Од студио кое е првенствено познато по софтверски апликации, lonch.me, доаѓа невообичаена авантура каде играте како истерувач на демони.
Exilium се истакнува со уникатен визуелен стил и ветување за впечатлива, мрачна приказна каде е потребно да ги протерате злобните духови и да ги откриете мрачни тајни кои го загрозуваат балансот во светот. Финалниот продукт ќе се одликува со пет часовна приказна и бројни загатки во форма на изведување ритуали, поставување замки и водење ред за текот на времето.
Повеќе детали за играта
Се надеваме дека ви се допаднаа трите игри кои ги одбравме за вас. Доколку и вие би сакале да ни предложите некоја, се читаме во коментарите под овој текст! :)
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
[…] напишавме текст за 3 игри кои ќе излезат во 2024 година. Monolith: Requiem of the Ancients е уште една игра која со нетрпение […]