{mosimage}Секоја година реномираниот магазин BusinessWeek.com со помош на своите читатели и уредници ги избира 25-те највлијателни личности на интернет. Личностите се луѓе кои се актуелни и влијателни во последно време и се рангирани според голем број на разни критериуми. Овогодинешната листа на 25 највлијателни ја сочинуваат:
{mosimage}
Steve Ballmer, Microsoft – неговата задача откако ја презема компанијата е да ja вклучи во интернет „играта“ и да го реши проблемот со Vista. Иако Microsoft месечно прави 1.8 милиони долари, сепак борбата против Google ќе биде огромен предизвик за Ballmer.
{mosimage}
Mitchell Baker, Mozilla – пред 4 години го стартуваа интеренет прелистувачот Firefox и успеаја да му преземат 20% од пазарот на Internet Explorer-от на Microsoft. Сега планот е Mozilla да се пробие со сурфање по интернет на мобилните телефони.
{mosimage}
Jeff Bezos, Amazon.com – тој ја основа компанија пред 14 години и сега Amazon е главниот „медијатор“ меѓу бизнис и дигиталниот свет.
{mosimage}
Sergey Brin, Larry Page и Eric Schmidt, Google – извршните директори и самите создавачи на Google, компанија која, пред 10 години, започна во гаража и идеја за подобар онлајн пребарувач стана еден од најголемите и највлијателните компании во светот.
{mosimage}
Jeff Clavier, SoftTech VC – тој е значаен инвеститор во „почетниците“ на Web 2.0. Пет од неговите „почетници“ завршиле со успешна соработка со Yahoo, AOL и други.
{mosimage}
Paul Graham, Y Combinator – неговата фирма два пати годишно дава пари за почетници-фирми за да ги развијат своите идеи. Пример за успешен почетник е Reddit, друштвен сајт за вести.
{mosimage}
Arianna Huffington, блог The Huffington Post – околу 8 милиони луѓе го посетуваат овој политички блог каде се коментираат дневните вести. Блогот има влијание на
медиумите во САД како и лево-ориентираните гласачи.
{mosimage}
Joi Ito, Creative Commons – откако се откажал од факултет и работата како ди-џеј тој стана еден од главните „мозоци“ на интернет. ТОј е вмешан во World of Warcraft, социјалните мрежи, Flickr, Technorati и Creative Commons.
{mosimage}
Steve Jobs, Apple – го врати Apple на „бизнис мапата“ и направи револуција со iPod и iPhone.
{mosimage}
Jonathan Kaplan, The Flip – промовира камера, 130 долари, која е едноставна и за користење и за „закачување“ на видеата на комјутер или YouTube. По таа камера, големите: Sony, Samsung и другите почнаа да креираат лесни-за-користење камери.
{mosimage}
Loic Le Meur, Leweb3.com и Seesmic.com – влијателен блогер кој ја започна конференцијата Le Web во Париз. Го започна Seesmic проектот кој е видео верзија на Twitter.
{mosimage}
Jack Ma, AliBaba – Од учител до извршен директор на Alibaba Group, лидерот во е-бизнис „играта“ во Кина под чија сопственост се Yahoo China и Taobao.
{mosimage}
Matt Mullenweg, WordPress – WordPress има преку 103 милиони посетители кои главно се блогери. Неговиот ривал Typepad има "само" 20 милиона.
{mosimage}
Rupert Murdoch, News Corp. и МySpace – ја купи друштвената мрежа за 580 милиони долари која има преку 117 милиони корисници. Murdoch го претвори МySpace од друштвен сајт во гигантски портал со заработка од 800 милиони долари годишно.
{mosimage}
Craig Newmark, Craigslist.com – креатор на консултантска фирма која помага луѓето да се поврзат и да промовираат настани.
{mosimage}
Gabe Rivera, Тechmeme.com – Techmeme е комплетно автоматизиран сајт, каде што се собираат илјадници вести и постови од медиумите, односно блоговите.
{mosimage}
Kevin Rose, Digg.com – основач е на најпознатиот сајт каде што милиони посетители читаат и рангираат вести. Сајтот има од 10 до 22 милиони посетители.
{mosimage}
Sheryl Sandberg, Facebook – поранешнен директор во Google, Sandberg има задача да работи на бизнис моделот на Facebook.
{mosimage}
Jon Stewart, The DailyShow – шоу-то е влијателно поради отварање на сајт каде што можат да се гледаат целите епизоди. Милиони гледачи го користат интернетот за следње на вести, а многумина го гледаат The Daily Show-то како фактор за следење на претседателските избори во САД.
{mosimage}
Peter Thiel, Thefoundersfund.com – преку Founders Fund инвестираше во почетниците-фирми како што се Facebook, Slide и Yammer. По продавање на PayPal на еBay, го формира Clarium Capital Management, фонд кој има преку 7 милијарди долари во инвестиции.
{mosimage}
Maria Thomas, Etsy.com – креатор на Etsy, сајт каде луѓето купуваат и продаваат домашни креации. Еtsy минатата година продаде домашни изработени креации во вредност од 27 милиони долари.
{mosimage}
Anssi Vanjoki, Nokia – Nokia ги презентираше „паметните“ телефони и со нив ги покажа можностите на спојување на интернетот со мобилните. Тоа е директна конкуренција на Apple и Google.
{mosimage}
Jimmy Wales, Wikipedia – креатор на најпосетуваната онлајн енциклопедија, рангирана според Alexa како еден од 10-те најпосетени сајтови во светот. Сега Wales ја започна Wikia Inc. компанијата која го изработи Wikia Search – интернет пребарувач со отворен код.
{mosimage}
Evan Williams, Blogger и Twitter – тој го направи Blogger во 1999, a откако го продаде на Google по неуспешниот проект Odeo тој го презентираше Twitter.
{mosimage}
Jerry Yang, Yahoo! – го одби Microsoft кој сакаше да го купи Yahoo za 45 милијарди долари и склучи договор со Google за рекламирање, што може да им донесе на Yahoo околу 800 милиони долари годишно.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
