Основачот на WordPress и Automattic, Мет Муленвег, на WordCamp настанот кој се одржа овој викенд во Сан Франциско, објави дека платформата, која најпрвин беше замислена само за блогирање, е преземена повеќе од 46 милиони пати. На настанот, г. Муленвег зборуваше за развојот и напредокот на WordPress во текот на изминатите години, како и за верзијата 3.6 која треба наскоро да биде објавена.
До сега, во оваа година, се додадени 336 нови теми, што е за 2,3 пати повеќе од минатата година. Во официјалниот директориум за додатоци се испратени 9.334 додатоци од кои 6.758 се одобрени и достапни за преземање. Вкупната бројка на достапни додатоци е нешто повеќе од 26.000, а бројот на теми изнесува скоро 1.900.
Моќта со која располага WordPress ја покажуваат и бројката на тоа колку истата е користена, а таа изнесува 18,9% од сите веб страници. Според г. Муленвег, 69% од корисниците на WordPress ја користат платформата за управување со содржината на своите веб сајтови, 20% ја користат комбинирано како CMS и блог платформа, 6% само како блог и 7% како десктоп апликација.
WordPress 3.6 се очекува да излезе наскоро, а што ќе биде ново во неа можете да погледнете овде. Инаку, за оваа година се планирани три верзии: 3.7 која треба да биде објавена во октомври и 3.8 во декември. WordPress е достапен и на македонски јазик и можете да го преземете од mk.wordpress.org.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
петина петина петина петина петина петина петина петина петина петина… петтина!
#протип Скоро = се однесува на време (as in soon) Речиси е за е almost.