{mosimage}17 годишно момче од Бруклин изјави за BNOnews.com дека тој ги направил двата црва кои се појавија нa сервисот за микро-блогирање Twitter овој викенд. „Обично сакам да најдам дупки на вебсајтови и да ги пробијам при тоа обидувајќи се да не направам многу штета, туку да започнам црв или нешто што ќе ги освести програмерите за проблемот и со тоа да се промовирам себе си и својот веб сајт“ вели Мајки Муни.
Првиот компјутерски црв се појави во саботата и беше наречен „StalkDaily“ бидејќи ги преземаше корисничките Twitter профили и испраќаше пораки „Wooo StalkDaily.com“ или „Visit StalkDaily.com“ пропратен со линкови до истоимениот сајт што е всушност сервис кој наликува на Twitter само што преку истиот може да се споделуваат слики и видеа. Интересно беше што корисниците се заразуваа со „StalkDаily“ само со посетување на официјалната страна на Twitter и со логирање на корисничкиот профил, без воопшто да се клика на линкот и да се посети StalkDaily.com. Корисниците се безбедни само доколку користат сервиси од трета-страна како TwееtDeck или ТwitterFox.
Првиот страв беше дека корисничките лозинки на „заразените“ можат да бидат украдени или сменети, по што Twitter ги рестартираше истите. Но кодот зад нападот, постиран на еден коментар на TechCrunch, покажа дека лозинките воопшто не се искористени, туку дека е само код наменет да направи повеќе глупости отколку штета.
"Презедовме чекори да ги остраниме навредливите содржини/апдејти, и да ги закрпиме дупките што дозволија овој црв да се шири. Ниту една лозинка, телефонски број или осетливи информации не беа компромитирани со овие напади“ изјавија од Twitter.
{mosimage}
Откако црвот беше неутрализиран, StalkDaily.com објави на својот сајт демант, дека тие не се инволвирани во нападите. Но во недела се појави уште еден таков напад овојпат наречен „Mikyу“ кој функционира слично како претходниот „StalkDaily“ и испраќа пораки од заразените кориснички профили со следнава содржина „Mikeyy I am done…“, „MikeyyMikeyy is done..“, „Twitter please fix this, regards Mikeyy“, „Man, Twitter can’t fix sh*t. Mikeyy owns. :)“, „Dude, Mikeyy is the sh*t! :)“, „Twitter should really fix this…“ …
Набргу на StalkDaily.com се тргна демантот и се појави следнoво „Јас ја преземам одговорноста за црвот“. Мајки Муни изјави во други интервјуа за CNET, дека од кога го објавил сајтот пред 2 недели имал 950 посети, но сега „расте брзо поради црвовите“.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
