Светската асоцијација на мобилни оператори – GSMA ги објави спецификациите кои ќе им овозможат на корисниците да активираат вградени SIM картички во преносни уреди или таблет компјутери, јави Mobile Europe. „Потрошувачката верзија на програмабилна, виртуелна SIM картичка се користи неколку години, главно од производители како Apple. Без сомневање овие активности се катализатор за мобилните оператори да се организираат и да ја прифатат иновацијата за SIM картички која на краток рок ќе овозможи бенефити во форма на приклучоци за нови типови на уреди“, вели аналитичарот Дарио Талмесио од Ovum.
Технологијата треба да им овозможи на корисниците да ги променат операторите без притоа физички да мораат да ја променат SIM картичката на својот уред. Вградените SIM картички зафаќаат само 10 отсто од просторот кој го зафаќаат сегашните SIM картички. Барем засега не станува збор за картички кои ќе се користат во телефоните, бидејќи за нив се работи на нов, различен стандард од споменатиот. Стандардот кој сега е објавен за еSIM картички главно ќе се однесува на уреди како часовници или алки, но и останатите уреди поврзани со интернет на нештата. „Иницијативата нема да ги замени сите SIM картички, наместо ова сакаме да им помогнеме на корисниците да поврзат повеќе уреди преку истата претплата, а на производителите да им помогнеме да креираат помали и полесни уреди кои се погодни за преносна технологија“, вели GSMA.
Истовремено Samsung најави дека Gear S2 3G паметниот часовник ќе биде првиот уред кој ќе го поддржува GSMA стандардот. Часовникот ќе биде достапен од 1 март, а засега нема податоци за цената.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
