Јужна Кореја обвини 11 луѓе за индустриска шпионажа и кражба на интелектуална сопственост. Станува збор за кражба на флексибилниот дисплеј на Samsung кој компанијата го користи во следната генерација телефон-таблет хибриди Galaxy F.
Извршен директор во компанија добавувач на Samsung и 8 вработени во компанијата примиле 13,8 милиони долари од кинески конкурент на Samsung. Во замена за ова, на компанијата требале да испратат OLED технологија. Овие екрани на Samsung се едни од најдобрите, ако не и најдобри во цел свет.
Добавувачот на Samsung испратил податоци за 3Д-ламинација и повеќе други технологии. Компанијата секако имала договор за зачувување на тајноста со производителот.
Властите во Јужна Кореја не ги откриваат идентитетите на доставувачот, ниту на кинеската компанија која го платила.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
